韓式泡菜餅 Kimchi Pancake

近年韓風熾熱，韓式食品大行其道，其中韓式泡菜餅更是普羅大眾喜愛的菜式之一。其實，要整韓式泡菜餅並不困難，只需幾款材料，再做足幾個步驟，誰也能在家輕鬆造出好味夾大件的泡菜餅！

材料：

泡菜隨意     (視乎個人喜好)

中筋麵粉     1碗

泡菜煎餅粉  1碗

水               1碗

泡菜汁         約半碗

蔥               1至2棵

Steps:

1.          首先，將泡菜切碎，蔥切段備用。

2.          將麵粉、泡菜煎餅粉置於大碗內，並加入水及泡菜汁混合。

3.          加入切碎的泡菜、蔥段與麵粉漿混合。

4.          燒熱鍋加油，將勺子分2次加入麵糊，迅速輕推邊位成圓形形狀，再輕輕用勺子背部把麵撫平。

5.          待煎餅邊位變成紅色後，可用鍋鏟將其反轉（小心反轉時令煎餅撕裂）。

6.          翻轉後可用勺子背部把煎餅壓平，之後再連續兩次反轉煎至熟透即可，上碟前可用廚紙吸走多餘油份。

Tips:

1.          落油的份量不可太少，否則煎餅很容易燒焦。

2.          如果將泡菜餅翻轉時弄散了，可在裂縫上加上少許麵糊再煎，可令裂開的煎餅重新連結在一起。

椰香香茅雞翼 Lemongrass Chicken Wings (with Coconut Oil)

香茅雞翼本身已經很惹味可口，再運用清新健康的椰子油去烹調，更為雞翼帶來了淡淡的清甜味道，別有一番風味。

材料：

雞翼    8隻

香茅    3條

蒜頭    5粒

乾蔥    3粒

椰子油  適量

調味料：

蠔油    1茶匙

豉油    1 3/4茶匙

糖      1 1/2茶匙

粟粉    2茶匙

麻油    1茶匙

魚露    3/4茶匙

Steps:

1.          雞翼解凍及洗淨，用廚紙將雞翼的水份吸乾備用。

2.          在雞翼中加入所有調味料混和。

3.          將香茅切碎，蒜頭、乾蔥剁成蓉，再將其放落雞翼之中拌勻。

4.          將雞翼放進雪櫃，醃至少4-5個小時，醃過夜更入味。

5.          燒熱鍋，放少許椰子油，再放進雞翼將兩邊煎至熟透即可。

Tips:

1.          想雞翼更入味，可預先在雞翼背面輕輕界一切，幫助調味料滲入雞翼之中。

2.          香茅切得越碎越好，更出味之餘又方便進食。

3.          如果家中沒有椰子油，可選擇用一般的花生油或粟米油去煎也可以，不加椰子油的香茅雞翼同樣美味。

椰子油的健康價值

1.          椰子油的結構是很穩定及耐熱，可促進新陳代謝、有助降膽固醇，同時有減肥的作用。

2.          椰子油就含有最有益的中鏈飽和脂肪酸，內含的月桂酸被證實有抗病及殺菌功能。

3.          椰子油能滋養甲狀腺，有助對抗心臟病及預防癌症，同時有抗衰老的功效。

西班牙蛋餅 Spanish Omelette

要炮製一道美味佳餚，不一定要用上珍貴的食材；西班牙蛋餅就正正告訴我們，只要簡單地運用馬鈴薯、雞蛋、洋蔥等材料，就能造出一道人人喜愛的菜式。

材料：

雞蛋       3隻
馬鈴薯    250g
煙肉      適量

洋蔥      半個
車厘茄    隨意

調味：

鹽      適量

黑椒    適量

茄汁    隨意

Steps:

1.          首先，將馬鈴薯切粒，洋蔥切成小條，煙肉切成細粒，車厘茄開半；

2.          雞蛋置於器皿內打勻備用，加入適量的鹽及黑椒調味。

3.          在鍋中加入油燒熱，先用木筷子測試油溫，見出現氣泡後可將馬鈴薯及洋蔥放進熱油中炸一會至變軟，之後撈起備用。

4.          燒熱平底鑊，加入煙肉略煎，之後加油，再放入馬鈴薯、洋蔥，再放入已調味（鹽及黑椒）的蛋液；煎好一面後，用碟蓋上平底鑊的表面然後反轉，之後再將其放回鑊上煎好另外一面。

5.          最後，在蛋餅加上茄汁佐食即可。

Tips:

1. 材料的份量很隨意，完全視乎個人口味，如不愛洋蔥的話可不放或減少其份量；若想增加蛋餅的口感，也可考慮加入車厘茄作為材料。
2. 西班牙的造法是用油炸馬鈴薯及洋蔥，若想較健康的話，也可以用水煮的方法令其變軟，不過口感會略為遜色。
3. 傳統的西班牙蛋餅是不加忌廉的，不過若想蛋餅香滑一點，可在蛋液中加入少許忌廉混和，這樣更符合亞洲人口味。

鮨穴 Zushi ANA 用料上乘新鮮 驚喜特色壽司

唔知大家有冇發現，銅鑼灣o既食通天其實有幾多好野食，高爾最近就試左12樓o既鮨穴（Zushi ANA），發現原來佢有唔少幾有特色o既壽司，而刺身用料亦好上乘同新鮮。

食日本菜，當然唔少得要食鮮甜o既刺身啦！我order左一款特上刺身拼盤，拼盤內有好多款式，如三文魚、海膽、牡丹蝦之類，全部都好新鮮，特別係拖羅好肥美，入口即溶，帶子又好鮮甜，用料絶對上乘無欺場。

特色壽司夠創意

花之戀係唔少人o既至愛，呢度亦有一款以花之戀概念而成o既壽司，仲係以店名──鮨穴命名；呢款鮨穴壽司除左有基本o既三文魚之外，仲有海膽、甜蝦、吞拿魚腩、三文魚子等等，一啖就食到幾種刺身，口感勁豐富呀！

另外值得一提o既係海膽松葉蟹天婦羅，呢款可謂驚喜之作！佢係炸o既天婦羅，炸左o既松葉蟹腳，上面再加上海膽，放落口度一邊食到炸松葉蟹腳o既香口，另一邊又品嚐到海膽o既鮮甜！

抵食超值午餐

食完之後真係回味無窮，過幾日高爾又咁啱Lunch Time經過果頭，決定再戰鮨穴！原來Lunch Set都幾抵架，我叫左個雜綿魚生飯午餐，除左個魚生飯外，仲有前菜、湯同甜品，都係百幾蚊，而且D魚生刺身都Keep住咁高質素，正！

最後，仲俾高爾發現左原來平日星期一至五3pm至7pm黎食午餐o既話，係有7折架！咁抵？如果平日放假想搵好野食，可以考慮下呢度喎！

鮨穴Zushi ANA

電話：2506 1232

地址：銅鑼灣勿地臣街１號時代廣場食通天12樓1202號舖

濃濃夏威夷風情 多口味吞拿魚刺身

有日無意中經過嘉咸街，發現左一間叫Pololi o既小店，被佢七彩繽紛o既外牆吸引住，店外仲有滑板作裝飾，充滿熱帶風情。走進舖內，先發現Pololi原來是一間專埋夏威夷特色小食o既食店！

夏威夷健康飲食文化

甫入到店內，店主之一o既Alex就好熱情同高爾介紹Pololi o既concept，原來Pololi o係夏威夷係解Hungry o既意思，而poke就係cut & dice咁解，o係夏威夷好流行將d魚生切開一小粒，混合唔同o既配料或醬汁一齊食。

由於Alex之前一直o係美國生活，又有夏威夷o既親戚，所以亦好鐘意夏威夷o既文化，加上佢好想將呢種健康文化推廣開去，返黎香港之後就決定同朋友一齊開間夏威夷食店，Pololi亦由此而誕生喇！

多種口味 任君選擇

知道左Pololi o既由來，高爾當然要試下呢種充滿夏威夷特色o既食物啦！平時通常食吞拿魚都係點wasabi多，佢就除左有wasabi口味外，仲有牛油果味、薑味、泰式風情、蜜糖芥末味、蒜蓉味、豉油麻油味、特色辣味等等！配埋夏威夷啤酒，超爽呀！

  

一碗可選兩款口味，可配沙律、白飯或糙米！高爾就最like牛油果味同蜜糖芥末味，同吞拿魚簡直係完美o既配搭！

啤酒有幾種口味，高爾order左青檸味，感覺好light，就算高爾平時唔好飲啤酒，都覺得幾好飲！

Pololi主打take away，迎合中環繁忙o既生活節奏；不過店內亦設有Bar枱，方便不愛外帶o既朋友o係店內進食。

Pololi的裝潢設計係由店主同拍檔親自落手畫同設計，充滿夏威夷風情。

 Alex話夏威夷o既人好鐘意食呢種午餐肉飯團，紫菜入面包住午餐肉，配合醋飯同燒汁，好味又方便。

Pololi

電話：2755 8099

地址：中環嘉咸街35-39號

清心安神香茅茶 淨腸消脂同時美顏

到過泰國、越南等地方旅遊，應該都曾品嚐過香茅茶（Lemongrass Tea）。香茅除了可以運用於菜式之外，更可以用來煲茶，而且非常健康有益，不但能清心安神，更有驅寒保暖、淨化腸道、滋潤皮膚、減肥消脂的功效，可謂女士們的恩物！

作用：

香茅又名檸檬草，擁有檸檬的清香，性溫。其含有檸檬醛，有消毒、殺菌的作用。用來泡茶飲用，可減緩筋骨酸痛，幫助消化，治理腹瀉。對於女性養顏美容更發揮很大的作用，有促進腸胃運動，瘦身減脂、消腫去濕，並可滋潤皮膚，可美顏同時瘦身。

材料：

香茅

青檸汁/ 檸檬汁

糖 (任何糖或蜂蜜)

做法：

1.          將香茅洗淨，用刀背拍扁香茅的根部令其更易出味，然後切段。

2.          在鍋中加入清水，煲沸，加入香茅，煲約15分鐘，熄火焗5分鐘。

3.          可趁熱加入糖，或待微涼後加入蜂蜜，再落青檸汁或檸檬汁即可飲用。

Tips:

l   建議先拍扁香茅的根部，令其更容易出味。

l   熄火後先焗一會，同樣有助香茅出味；若加蜂蜜飲用的話，應先待茶的溫度稍降，微溫時才加入，以免破壞蜂蜜的營養。

l   香茅茶冷熱皆可，泰國人由於氣溫較熱，偏愛冷飲；建議女士們熱飲為皆。