Chloe Cookery & Bakery 高爾廚房: 1月 2015

2015年1月29日星期四

高爾試食：地獄廚神餐廳

高爾好鐘意睇地獄廚神Gordon Ramsay o既節目，最近終於試左佢o係香港開設o既Bread Street Kitchen & Bar！由於夜晚好Full，唯有book住周末o既下午去。3點去到，由於未食晏，都幾肚餓，同老公2個人叫左4道菜，超飽，好滿足！

Seabass carpaccio, avocado, horseradish

黎之前已經睇左呢個好多人推介，食過真係堅正喎！鱸魚刺身本身味清淡的，配以柚子、青檸汁感覺勁Fresh，仲加左wasabi，加添左有日本o既風味。

Bread Street Kitchen Short Rib Burger, Monterey Jack Cheese, Spicy Sriracha Mayo

漢堡好巨，好Juicy，而個醬汁先至係靈魂o既所在，完全提升左成個漢堡o既層次感。佢本身配左薯角做side dish，o的薯角比較醎，不過值得一讚係佢個sauce，微辣中帶酸，幾開胃，仲可以中和番薯角o既醎味。

Egg benedict with crispy bacon

高爾超鐘意食Egg benedict，呢個Egg benedict非常有水準，蛋黃汁煮到剛好流心的，加埋佢o既荷蘭醬超好味，可惜分量太少，真係好想食多幾啖呀！

Traditional Shepherd's pie with briased lamb, potato puree, brioche garlic crumbs

傳統牧羊人批o既餡料主要係免治羊肉、薯蓉同芝士。底層係羊肉，中層係薯蓉，上面鋪左芝士，幾有層次感。如果想食傳統o既菜式可以一試，但係高爾覺得唔係太特別。

Bread Street Kitchen & Bar

地址：中環雲咸街33號蘭桂芳酒店M層

電話：2230 1800

2015年1月27日星期二

火腿芝士牛角包 (速成篇)

假日安坐家中，不想外出，但忽然心血來潮想吃一頓美食的早餐或Afternoon Tea？可在家中尋找合適的材料，如可利用現成的牛角包，加上芝士、火腿、蔬菜等食材，只需短短幾分鐘，美味的火腿芝士牛角包就活現眼前！

材料：

現成牛角包

芝士 (可選自己喜愛的芝士)

沙律菜

火腿 (任何Ham都可以)

Steps:

1. 首先，將火腿略煎，盛起。

2. 再將已切開一半的牛角包放上平底鑊略煎，令其變得更脆口。

3. 然後在牛角包夾上沙律菜及火腿，再放上芝士。

4. 將火腿芝士牛角包放進已預熱180度的焗爐焗一會，看到芝士開始溶化後取出即成。

Tips:

材料及份量很隨意，若家中沒有火腿，煙肉、甚至是午餐肉也可以；若想再提升味道的層次感，可加入沙律醬或沙律醋等醬汁。

2015年1月20日星期二

芝士煙肉焗生蠔

芝士煙肉焗生蠔是一道很美味的Starter，Creamy的生蠔與濃郁的芝士簡直是Perfect Match，這種誘惑教人怎能抗拒？

材料：

有殼生蠔 6隻

現成煙肉碎適量

蒜蓉 15g

乾蔥 15g

水牛芝士（Mozzarella Cheese）適量

巴臣馬芝士（Parmesan cheese）適量

忌廉適量

牛油 15g

香草適量

黑椒碎適量

Steps:

1. 將生蠔從殼內取出並汆水，之後撈起並用廚紙吸乾水份。

2. 燒熱鑊下牛油，落蒜蓉、乾蔥爆香，盛起備用。

3. 在已清洗的蠔殼放上生蠔、蒜蓉、乾蔥及煙肉碎，之後再加入忌廉、水牛芝士、巴臣馬芝士及灑上適量的黑椒碎、香草。

4. 將生蠔放進已預熱200度的焗爐焗約4-8分鐘，焗至金黃色即可取出。

Tips:

l 現成的煙肉碎很方便，除了可用於焗生蠔之上，平日可用來做焗薯；高爾家中因存有現成的煙肉碎所以就用了這個，其實用雪藏的煙肉爆香的話會較可口，大家可自行選擇。

l 水牛芝士較柔軟，巴臣馬芝士的味道較濃和香口，將兩者混合可將味道提升；不過若不想買兩種的話，只用巴臣馬芝士也很美味的。

2015年1月8日星期四

抵食Semi Lunch Buffet

已經是第二次到BB's Lobster & Seafood Specialist食Semi Lunch Buffet，之前在偶然情況下發現左呢間餐廳，發現除左個Main Course水準不錯外，最重要係出面有個自助沙律吧任食，D沙律款式仲幾新款，而且佢地自己調配o既沙律汁都幾好味，食完同朋友們都話要下次再encore！

沙律吧除一般的蔬菜配搭，仲會定期新款的款式，例如有紅菜頭通粉沙律，最重要是任食，i like it!

沙律吃完不夠可再添！

頭盤：雜菜湯，幾fresh!

主菜：野菌鮮帶子白酒忌廉寬條麵，好Creamy，正~

朋友的主菜：燒春雞，有成半隻，底下仲有磨菇做side dish，D雞肉略嫌淡少少，但夾埋好香口同用香料烤成o既雞皮一齊食，味道就o岩o岩好，忍唔住食多幾啖~

最後，仲有甜品食，今次係tiramisu，雖然份量好少，但因為已經食到好飽，所以反而剛好！

其實咁多樣食，午餐都係$1xx，非常抵，一定都怕食唔飽！

餐廳資料：

BB's Lobster & Seafood Specialist

地址：灣仔皇后大道東202號QRE PLAZA 6字樓電話：2838 3272

脆炸軟殼蟹

剛炸起的軟殼蟹酥脆香口，可佐以沙律醬，或簡簡單單地加上數滴的檸檬汁，已十分滋味可口。

材料：

軟殼蟹 4隻

油適量

低筯麵粉 100g

粟粉/ 生粉 100g

自發粉(Baking Powder) 40g

胡椒粉適量

白醋 2TS

Steps:

1. 急凍軟殼蟹買回來，洗淨用廚紙印乾，加鹽及胡椒醃入味。

2. 預備脆漿，低筯麵粉及粟粉先過篩，用水攪勻，之後再加自發粉及油，最後加入少許白醋。

3. 軟殼蟹沾上脆漿，用180-200c熱油炸約5-10分鐘。

4. 最後，在碟放上雜菜，然後放上炸好的軟殼蟹即可。

2015年1月4日星期日

難忘愉快泰國烹飪體驗──Baipai Thai Cooking School

近年流行在泰國參加烹飪班，可以在旅遊的同時，更深切地體會當地的飲食文法，一向貪吃、愛下廚的高爾當然不會錯過！

旅程展開前，高爾先在網絡搜尋曼谷的烹飪學校，其中不難發現Blue Elephant是當地首屈一指的學校之一。不過，為何高爾沒有選中這一間？因為看到不少人雖說Blue Elephant口碑不錯，但價錢較貴，相比之下Baipai Thai Cooking School除了價錢較便宜外（泰銖$2000一堂，約港幣$480左右），環境、配套教學也不錯，是中上級的，於是便決定book這一間。

網上預約時，職員會首先了解我們住的酒店所在，然後會約定我們在上課日的指定時間在酒店的大堂等候，再以專車接送我們到校舍。

上課日當天，學校的專車真的準時到達酒店門口接送我們。到達校舍後，高爾頓時被校舍的環境吸引住啊！其採用木材搭建成校舍，環境清幽雅緻，感覺很像渡假的Resort一樣，予人很Relax的感覺。這兒竟然是烹飪學校？實在難以相信！

初到埗，會先和同學們互相自我介紹，加深認識。我這一班的同學們大多是歐美人士，只有我和老公及一對韓藉情侶是亞洲裔人士。

上堂之前，導師會先帶我們到花園認識各種泰國的香草，以後會讓我們體驗刨椰肉的環節，令我們獲益良多！

不久，正式開始上堂，學員們首先會坐在最課室最前面的教學桌上聆聽導師的講解及示範，當導師完成菜式後會給我們即場試味，之後我們就會開始各自預備自己的材料及調味；課室更特設一人一個爐頭，每人都可落手落腳烹調自己的菜式。

這次課室教的是斑蘭葉包雞、椰汁芒果飯、紅咖喱豬及木瓜沙律。我們更有機會親手做紅咖喱醬呢！

每煮完兩道菜後，我們都會坐在優雅的環境中享用，在品嘗美食的同時，更可與異國朋友互相交流！

總括而言，這次的烹飪班的體驗是非常舒快。首先，教學的流程安排得很有系統，丁點時間也沒有浪費，完全沒有悶場；第二，所教的菜式都很美味，而且全部菜式都有詳盡的Recipe提供，回到家也不怕忘記怎樣煮；第三，這兒環境清幽雅緻，在學烹飪的同時，也得到舒適的享受；第四，安排接待得宜，全程管接送，對於旅客來說十分方便。

最後每人更送了一張相片留念，非常貼心呢！

連我老公本身不愛煮餸的人，都覺得好好玩，所以這間烹飪學校真的值得向大家推薦一下！