香濃牛油曲奇 Butter Cookies

雖然現在的曲奇口味五花百門，但看似平凡的牛油曲奇依然是不少人的心頭好。試問那一瑰塊擁有香濃牛油味的曲奇，味道濃郁，入口鬆化，又教你怎能抗拒？

材料：

麵粉           330g

牛油           200g

砂糖           100g

蛋                 1隻

雲尼拿油   1茶匙

牛奶          2湯匙

步驟：

1. 將牛油置室溫至軟身，之後加入砂糖打至奶白色。

2. 續少加入蛋打勻。

3. 加入雲尼拿香油及牛奶拌勻。

4. 在混合物中篩入低筋麵粉。

5. 在焗盤鋪上牛油紙，用唧花咀唧上理想的曲奇花紋，之後再放入已預熱180度的焗爐焗約12-15分鐘即成。

牛油果碎蛋吐司（Avocado Eggs Toast）

早餐想吃得健康又美味，不如在家親自落手做一份牛油果碎蛋吐司！喜歡果仁的話，可以隨意在表面灑上果仁碎，更有風味之餘，仲食得有營！












牛油果營養價值：牛油果含有豐富的維他命、蛋白質及纖維，可維持身體健康及美顏抗老，而佢當中蘊含嘅單元不飽和脂肪酸，仲可以降膽固醇，實屬健康之選。

材料：

牛油果                   2個

麥包（切片）       4塊

蛋                           1隻

洋蔥                     1/4個

沙律醬                  2湯匙

黑椒                      適量

鹽                           適量

蒜粉                       適量

青檸（榨汁）       1/2個

果仁                      少許

步驟：

1. 分別將烚蛋及洋蔥切碎，青檸榨汁備用。

2. 牛油蛋切半，取核，用匙羹刮出果肉，於器皿內將叉壓成蓉。

3. 在牛油果蓉加入青檸汁以防變色，再落洋蔥碎拌勻，之後再加入沙律醬、黑椒、鹽及蒜粉調味，形成牛油果醬。

4. 將切片的麥包放鍋中烘熱，然後放上碟。

5. 在麥包面層塗上牛油果醬，再於上碎蛋，最後再灑上已用鍋輕輕烘過的果仁即成。

Tips:

1. 在牛油果醬加入沙律醬，有提味的作用，不過如果怕肥的話，可選擇不落，味道會淡一點，不過更為健康。

菠菜忌廉湯 Spinach Cream Soup

香濃幼滑嘅忌廉湯，相信有唔少人都鐘意，不過可能又怕太Heavy，如果有咁嘅顧慮，大家不妨考慮喺湯之中加入綠色蔬菜嘅元素，例如菠菜。菠菜含有多種維他命及多種人體所需嘅營養，非常有益！加左入忌廉湯之中，完全無左果種苦澀味，就算唔鐘意食菠菜嘅朋友都唔會抗拒，而且自己用牛奶煲會健康好多，咁就算飲多兩碗都唔會有罪惡感！

材料：

菠菜                 約250g

洋蔥（細）       1個

牛油                  60g

麵粉                  40g

牛奶           　   360ml

雞湯           　  250ml

水              　   190ml

調味：

黑胡椒            　 適量

鹽                       適量

Steps:

1.       首先，將洋蔥切條，菠菜切成段備用。 

2.       先用慢火煮熔牛油，炒香洋蔥，之後再加入麵粉炒勻。

3.        在鍋中注入水、清雞湯及牛奶。

4.       之後再加入菠菜，以中火邊攪邊煮至半稠狀。

5.       最後再落黑胡椒及鹽調味，之後用手提攪拌器將湯打勻即可。

Tips：

1.      菠菜的份量好隨意，如果鐘意菠菜味濃一點，可加多一些；或者不喜歡菠菜的味道，也可選用其他蔬菜，如西蘭花亦可。

煙三文魚班尼迪蛋 Smoked Salmon Eggs Benedict

相信有唔少人都鐘情Eggs Benedict，除左半生熟嘅水波蛋（Poached Eggs）好味之外，濃郁幼滑又帶點酸味嘅荷蘭醬亦係精粹所在。再加埋煙三文魚，夾埋水波蛋同荷蘭醬一齊食，Creamy得黎，又帶點微醎及酸味，口感夠豐富！唔Like煙三文魚嘅話，仲可以選擇落煙肉、蝦等材料，一樣咁美味！

鬆餅我買左嘉頓呢款~超市有售~

切開係半熟流心的~

材料：

大蛋               4隻

煙三文魚       4塊

英式鬆餅       2塊 (切開一半, 成4塊)

荷蘭醬：

大蛋黃          3隻

無鹽牛油      200g (只取澄清牛油)

檸檬汁        適量

黑椒             適量

鹽                適量

白酒醋        1茶匙

水                1湯匙

荷蘭醬製作歩驟：

 

首先，在不銹鋼或玻璃器皿加入蛋黃，用打蛋拂隔水打勻。

將澄清牛油（混濁那一些不要）慢慢加入蛋漿中，並不斷打發，以便與蛋漿完全混和，之後再注入水拌勻。

加入黑椒、鹽、檸檬汁及白酒醋調味即可。

班尼迪克蛋製作歩驟：

燒熱一鍋水，加入白醋，水滾後用勺在水中製造旋渦，然後將用碗盛載著的大蛋放入水中。

用中火煮約2-3分鐘，盛起，放在廚紙上吸乾水份。

加熱煎PAN，放入英式鬆餅將兩面加熱。

將已加熱的英式鬆餅盛起放上碟，之後放上煙三文魚。

小心地將水波蛋放上煙文魚上。

在水波蛋上鋪上荷蘭醬，並在表面加上蔥花/香草即成。