宜家唔使飛去美國，都可以體驗到拉斯維加斯嘅風情！呢間以Las Vegas為主題嘅餐廳，唔單止食物有特色，裝潢設計仲充滿美式及賭城風格，充滿異國情懷。
高爾想試呢間好耐，奈何呢間餐廳經常都爆滿，唔想等嘅話唯有失望而回啦！不過，今次決定左無論如何都要一試架喇，等就等啦！結果等左個幾鐘（不過餐廳可以walk in留位，有枱再call我，所以等果段時間去左行街~~時間都好快過~~)
一入到去，就會見到大大隻" Little Vegas＂嘅霓虹燈，牆身亦有好多七彩繽紛類似塗邪嘅畫，而且又多人又熱鬧，真係好似去左賭城咁XD
等到肚餓喇，當然拿拿聲叫野食先~~
香芒雞肉沙律
芒果幾鮮甜，配埋新鮮嘅沙律菜同埋油醋汁一齊食，感覺幾fresh！
賭城小食拼盤
有雞翼、香腸、洋蔥圈同埋釀左餡料嘅波特菇，只係叫左”half”嘅份量，份量比想像之中多，仲要只係2位數字嘅價錢就食到，抵食！
經典班尼廸蛋
本人鐘意Egg Benedict嘅程度近乎瘋狂，每一次見到Menu上面有呢個菜式，必定會order！這兒的Egg Benedict整得剛剛好，蛋不會過熟，切開後蛋液會輕輕流出，唔錯！
秘密花園
黎到會見到好多人叫呢杯野飲，只因份量幾多，有啲仲會插左好多支飲管，同朋友一齊Share添。飲品裡面有啲雜果，如士多啤梨、藍莓等，甜甜地！
【入座攻略】
此店不設電話訂位，要Walk in。
晚上6點開始營業，如果miss左6點入座呢場，就要等到差不多8點才能入座（每節用餐限時1小時45分鐘）。
人多嘅時候，會有專人喺大廈樓下負責留位，佢會mark底你嘅電話，差不多有位會call你，所以唔使喺度乾等，可以周圍去行下再返去食。
Little Vegas
電話：2622 2369
地址：銅鑼灣耀華街3號百樂中心25樓
