《法式香草燒春雞伴薯菜 Roasted Spring Chicken》

聖誕節決定整下燒春雞黎應下節，其實只要簡單用香料醃一下雞身，再加入蒜頭、檸檬、迷迭香一齊焗，配埋薯菜，味道唔錯架，最重要係喺屋企都輕易整到，整黎Party食一流！

材料：

春雞          1隻

馬鈴薯      1個

小甘荀      隨意

洋蔥         半個

蒜頭         2瓣 + 半個 

迷迭香     2條

檸檬         半個

牛油        約20g

黑椒         適量

鹽            適量

紅椒粉     適量

辣椒粉     適量

橄欖油     適量

步驟：

1. 從冰箱取出春雞解凍，備用。

2. 將1條迷迭香，取葉，切碎。

3. 在器皿加入牛油，放入已切碎的迷迭香、黑椒、鹽、蒜蓉（2瓣）、紅椒粉、辣椒粉，然後用叉拌勻，再將醃料抹上雞身及表皮之上，醃過夜。

4. 將雞取出，在雞內塞入半個蒜頭（整個蒜頭不用去皮，只橫切去頂部）、半個檸檬及1條迷迭香。

5. 在焗盤加入橄欖油，放上薯菜（馬鈴薯、小甘荀、洋蔥），再放上春雞，之後再在表面淋上少許橄欖油，再放入已預熱220度的焗爐焗15分鐘，取出，在表面放上錫紙再焗約20-25分鐘即成。

流心芝士撻 Baked Cheese Tart (約12個份量)

近期Hit爆嘅流心芝士撻，我都黎湊下熱鬧先！學識左點整之後，大家都唔使再排隊去買，仲可以即焗即食添！幻想下，咬一口之後，熱辣辣流心芝士慢慢流入口腔，咁邪惡真係令人好難抗拒呀！

撻皮：

牛油          100g

中筋麵粉   220g

糖霜          60g

蛋              1隻

芝士餡：

忌廉芝士 (Cream Cheese)                   220g

意大利軟芝士 (Mascarpone Cheese)  130g

忌廉                                                     100g 

砂糖                                                      70g

檸檬汁                                                 少許

蛋黃                                                      1隻

雲尼拿油                                           1茶匙

預備撻皮：

1.          首先，將牛油及糖霜打發至奶白柔軟狀，之後再加入蛋打勻。

2.          加入一半已過篩的麵粉，拌勻後再加入剩餘的一半麵粉，混合成粉團。

3.          將粉團用保鮮紙包好，再放入雪櫃冷藏約30分鐘。

4. 在撻模掃上牛油備用。

5.       從雪櫃取出後用叉在撻皮上刺孔，之後再放上牛油紙及用米壓住，以免焗時撻皮發脹。

6.          之後放入焗爐焗約10分鐘，取出脫模備用。

預備芝士餡：

1.          在鋁或玻璃的器皿加入忌廉芝士及意大利軟芝士，隔熱水將其打勻。

2.          之後再分別加入忌廉及砂糖，將砂糖打至與芝士漿完全混和。

3.          再加入蛋黃、檸檬汁、雲尼拿油打勻。

4.          將混合後的芝士漿倒入唧袋中，然後再唧入撻皮中。

5.          將芝士撻放入雪櫃冷藏約兩小時，然後取出再放入已預熱180度的焗爐焗約6-8分鐘即成。

流心芝士撻，在家都做到！

芝士焗薯角Cheese Baked Potato Wedges

身為「芝士迷」，任凡所有同芝士扯得上關係的食物，我都非常鐘意食，所以芝士亦是冷箱內必備的材料！今次就整了大家經常有機會食到的「芝士焗薯角」，用了Parmesan Cheese及Mozzarella Cheese，兩種芝士夾雜在一起，口感會更豐富！

材料：

馬鈴薯(我用左澳洲紅皮薯)            8個 (細至中型)

巴馬臣芝士(Parmesan Cheese)    隨意

水牛芝士(Mozzarella Cheese)      隨意

忌廉                                               2湯匙

紅椒粉                                           1/2茶匙

辣椒碎                                           隨意

黑胡椒                                           1/2茶匙

橄欖油                                          1 1/2湯匙

蒜粉                                              1/2茶匙

俄立岡香草(Oregano)                   1茶匙

迷迭香香草 (Rosemary)                1茶匙

鹽                                                   1茶匙

我用左澳洲紅皮薯，首先將薯仔洗淨。

將馬鈴薯洗淨切角。

在馬鈴薯加入紅椒粉、辣椒碎、黑胡椒、蒜粉、俄立岡香草、迷迭香香草、鹽及橄欖油，將所有調味料及香草與馬鈴薯拌勻。

在焗盤放入錫紙，在底部掃上橄欖油，將馬鈴薯一個個排好放入焗盤中。

爐焗約15-20分鐘取出，將馬鈴薯反轉再焗5-10鐘。

焗好的薯角放入另一個焗盤中，加入巴馬臣芝士、水牛芝士及忌廉焗至芝士微焦即成。

宇治抹茶紅豆卷蛋 Matcha Roll Cake with Red Beans

想吃濃濃的宇治綠茶蛋糕，又唔想排隊排幾個鐘，不如自己落手做！今次選用左日本宇治抹茶粉及日本紅豆茸，成功做到充滿日本傳統風味的抹茶卷蛋，好滿足！ 

今次用左呢隻宇治抹茶粉及小倉嘅紅豆茸。

卷蛋材料：

蛋黃         4隻

蛋白         4隻

白砂糖       80g (40g + 40g)

中筋麵粉     40g

宇治抹茶粉   1湯匙 (想抹茶味再濃一點多加多一點)

餡料材料：

忌廉         130ml

紅豆茸        110g

白砂糖       1湯匙

其他材料及工具：

糖霜（裝飾用）       適量

宇治抹茶粉（裝飾用） 適量

焗盤(28cm x 23.5cm) + 牛油紙

步驟：

首先，將中筯麵粉及宇治抹茶粉混合，過3次篩至幼滑備用。

        

  在器皿內加入蛋白，再分3次加入白砂糖打至企身

將另一個器皿加入蛋黃，用打蛋器輕輕打勻後，再加入砂糖打至幼滑。

在蛋黃醬內加入已過篩的麵粉及綠茶粉，輕輕拌勻。

 分數次將已打至企身的蛋白加入蛋黃醬內，以Cut & Fold的方法拌勻，切忌用力按壓蛋白。

將蛋糊完全拌勻後，倒進已放入牛油紙的焗盤內，並放入已預熱230度的焗爐內焗約25分鐘。（視乎不同的爐溫，大概焗至蛋糕面微焦的狀態） ***焗完後拿出來放涼，表面要用保鮮紙或焗盤覆蓋，以防變乾。

另一邊廂，將忌廉加入糖打發，再放入紅豆茸備用。

將牛油紙覆蓋在綠茶蛋糕的表面，然後將蛋糕反轉，輕輕撕走底部的牛油紙。

在表面塗上紅豆茸忌廉，尾部預留1cm的空間，以免太多擠了出來。

   將卷蛋慢慢捲起，最後在牛油紙之外再包上保鮮紙，放入雪櫃冷藏30分鐘。

                    

從雪櫃取出後在表面灑上糖霜及綠茶粉作裝飾即成。

【滋味街頭熱狗漢堡】

西貢除左海鮮，其實都有好多特色小吃！最近高爾就試左《Burger Deli》，食滋味漢堡同熱狗！

《Burger Deli》是一間街頭小食店，大多Take Away，不過店前亦有3張小枱子以供堂食。

今次試左「墨西哥漢堡」同「芝士熱狗」。

 

墨西哥漢堡用左安格斯牛、墨西哥辣椒、牛油果醬、酸忌廉、墨西哥芝士、番茄、生菜食材料，咬落去肉汁好Juicy，夾埋牛油果醬、酸忌廉嘅Sauce，好味！最特別係落左墨西哥辣椒，帶有少少辣，提升左成個漢堡個味道。(薯條另配)

另外，仲order左個芝士熱狗。佢最特別係個芝士係流質的，食落唔會膩，上面仲有少少脆煙肉碎，幾香口。

總括而言，味道係唔錯嘅，但價錢唔算平，漢堡平均70至80元一個，熱狗都要30幾。不過這兒的漢堡水準算是不俗，而且現在出街食一餐閒閒地都百幾蚊，這個價錢算是可以接受，若果下次再來西貢，亦可能會再吃多次！

Burger Deli
電話：3689 9052

地址：西貢敬民街9號高勝樓地下2號舖